Í dag skoraði Óli átta mál upp á átta málroyndir, og var toppskjútti hjá GOG, ið á heimavølli í Svendborg Arena vann 32-28 á Fredericia. Í steðginum var GOG á odda 16-12. Óli legði eisini upp til tvey mál í dystinum.

GOG er fremst í deildini saman við Ribe-Esbjerg. Bæði liðini hava 11 stig fyri seks dystir.

Magnus Árason var við í hópinum hjá Mors-Thy, ið vann á útivølli 32-28 (17-14) á TMS Ringsted.

Mors-Thy er nummar sjey í deildini við seks stigum fyri seks dystir.

Í annaðkvøld klokkan 19 spæla Jóhan á Plógv Hansen og liðfelagarnir í Skanderborg-Aarhus dyst á útivølli móti Skjern.