Apple hevði ein umsetning upp á 114,48 milliardir dollarar í fjórða ársfjórðingi í roknskaparárinum.

Tað vísir nýggja ársfrágreiðingin hjá felagnum, sum varð almannakunngjørd í kvøld, eftir at amerikonsku partabrævamarknaðirnir stongdu.

Úrslitið er betri enn væntað.

Sambært Marketwire høvdu greinarar, sum Bloomberg News hevði savnað metingar frá, roknað við einum umsetningi upp á 113,39 milliardir dollarar.

Apple hevur sostatt selt fyri góðar 1,09 milliardir dollarar meira enn væntað.

iPhone dregur vøksturin

Tað er serliga sølan av iPhone-fartelefonum, sum hevur gingið væl.

iPhone-sølan gav Apple 57,6 milliardir dollarar í umsetningi í ársfjórðinginum. Greinararnir høvdu væntað 56,5 milliardir dollarar.

Eisini sølan av Mac-teldum gekk betur enn væntað.

Hinvegin gekk ikki eins væl hjá iPad.

Umsetningurin av iPad-teldlum var 6,23 milliardir dollarar, meðan marknaðurin hevði væntað 6,7 milliardir dollarar.

Apple er ein av heimsins størstu tøknifyritøkum, og úrslitini hjá felagnum verða fylgd neyvt av íleggjarum og greinarum um allan heim.

Nýggju tølini vísa, at iPhone framvegis er ein av týdningarmestu inntøkukeldunum hjá Apple.

/Ritzau/