Leygardagin bjargaðu landsliðsliðskiparin, Ásla Johannesen og liðfelagarnir í Piteå sær eitt sera týdningarmikið stig í bestu svensku fótbóltsdeildini, Damallsvenskan.
Í heimadystinum móti IFK Norrköping legði útiliðið seg á odda 1-0 longu í 18. minutti. Í 72 minuttir var tap í hendi hjá Piteå, men tá klokkan vísti 90 minuttir javnaði Piteå til 1-1 við einum sjálvmáli.
Úrslitið merkir, at Piteå við 24 stigum varðveitur frástøðuna upp á sjey stig til næstaftasta liðið, IFK Norrköping, ið hevur 17 stig. Hevði Norrköping vunnið dystin høvdu tær havt 19 stig, og Piteå 23 stig.
So eitt sera týdningarmikið stig nú Ásla og liðfelagarnir hava fimm stig eftir at leika í kappingini.
oktober hevur Piteå dyst á útivølli móti Djurgården.
