Leygardagin var føroyingauppgerð í næstbestu donsku hondbóltsdeildini.

Í Park Vendia høllini í Hjørring tóku Kjartan Johansen og liðfelagarnir í Vendsyssel móti Ísaki Vedelsbøl og hansara liðfeløgum í HØJ.

HØJ vann frammanfyri 650 áskoðarum stórsigur 37-26. Í steðginum var støðan 17-10 til HØJ.

Kjartan skoraði tvey mál, legði upp til fýra mál og vann liðnum eitt brotskast. Ísak skoraði eitt mál og fekk reytt kort aftaná triðju útvísingina.

HØJ er einsamalt oddalið í deildini við 10 stigum. Vendsyssel er nummar fýra við átta stigum.