Eitt ukrainskt dronuálop í russisku oljuútflutningshavnini í Ust-Luga í Finsku Víkini hevur gjørt, at eldur er í.
Hetta hendi í nátt, og russisku myndugleikarnir í økinum vátta tíðindini.
Russiski guvernørurin í økinum, Aleksandr Drozdenko, skrivar á boðtænastuni Telegram, at sløkkiliðsfólk stríðast móti eldinum.
Hetta er ein týdningarmikil oljuhavn, sum bert liggur nakrar fjórðingar úr markinum til Estlands.
- Fleiri enn 50 dronur eru skotnar niður í Leningrad-regiónini í nátt, sum Ust-Luga er partur av, sigur guvernørurin, Aleksandr Drozdenko.
Millum tíðindastovurnar, sum bera hesi tíðindi í morgun, er eitt nú tíðindastovan, NTB.
