Onkur hevur spurt um fimm javnleikir á rað, sum í førinum hjá føroyska landsliðnum í Nations League er met? Tað er tað ikki í sær sjálvum.
Millum 8. oktober í 2016 og 4. juni í 2017 leikti fótbóltslandsliðið hjá afrikanska landinum, Gabon átta javnleikir á rað. Tað er í sær sjálvum met. Men talan var um dystir í ymiskum høpum. Gabon leikti javnt tá javnt í tveimum HM-undankappingardystum, trimum AFCON undankappingardystum, og trimum venjingardystum. Millum HM-undankappingardystirnar og AFCON undankappingardysturin var tann eini javnleikurin í einum venjingardysti.
So Gabon hevur ikki eins og Føroyar javnleikir í fimm kappingardystum í rað. Men teir hava metið fyri fyri flest javnleikir á rað í altjóða skrásettum dystum. Teir átta javnleikirnir á rað hjá Gabon vóru móti Marokko, Mali, Komoros, Guinea-Bissau, Burkina Faso, Kamerun, Guinea og Sambia.
Millum 25. mai í 1972 og 9. oktober í 1976 endaðu fimm HM-undankappingardystir á rað hjá Ungarn við javnleiki. Tó var tann fimti javnleikurin ikki í somu HM-undankapping, sum teir fyrstu fýra javnleikirnir. Teir fimm HM-undankappingar javnleikirnir hjá Ungarn á rað vóru móti Svøríki úti og heima, og Eysturríki úti og heima. Fimti javnleikurin var móti Grikkalandi.
So í grundini sláa teir fimm javnleikirnir á rað hjá Føroyum teir fimm hjá Ungarn, tá javnleikirnir hjá Føroyum eru kappingardystir í somu kapping.
Millum 1. desember í 1976 og 10. august í 1980 leikti Kosta Rika javnt í fimm HM-undankappingardystum á rað. Eins og hjá Ungarn, so var tann fimti javnleikurin í eini aðrari HM-undankapping enn fýra teir fyrru. Teir fimm javnleikirnir hjá Kosta Rika á rað vóru móti El Salvador, úti og heima, og Guatamala, úti og heima. Fimti javnleikurin var móti Panama.
Í grundini sláa teir fimm javnleikirnir á rað hjá Føroyum eisini teir fimm hjá Kosta Rika.
Skuldi vita so illa til, at Føroyar spæla javnt ímóti Moldova, ið sendir Moldova víðari til røkk støkk dystirnar. So eru Føroyar fyrsta fótbóltslandsliðið við seks javnleikum á rað í seks kappingardystum í somu kapping.
