Neistakvinnur fingu oyruni í maskinuna í seinnu sekstandapartsfinaluni í European Cup móti sveisiska liðnum, Zug.
Ígjár tapti Neistin 22-29 (11-15) fyri Zug í fyrra dystinum í høllini á Hálsi, ið ikki var verri enn ilt. Men í kvøld gekk illa í hond hjá neistakvinnum, ið máttu leggja rygg til stórtap 23-45 fyri Zug. Í steðginum var støðan 22-11 til Zug.
Zug vinnur seg sostatt í áttandapartsfinalurnar við einum samlaðum 74-45 sigri.
Neistakvinnur skoraðu bert upp á 23 av 49 málroyndum. Zug skoraði upp á 45 av 61 málroyndum.
Zug-Neistin 45-23 (22-11) - Seinna áttandapartsfinalan í European Cup. Zug vinnur samantalt 74-45.
Málskjúttar: Anna S. Mikkelsen 7/14, Vár Leo Mortansdóttir 3/7, Lise Marie N. Evensen 2/3, Lív Rouch Ísfeld 2/3, Hervør Niclasen 2/3, Hannah Saunders 2/4, Glóa R. á Lofti 2/4, Ró Reginsdóttir 2/6, Fríða J. á Dunga 1/4.
Bjargingar: Silja A. Müller 10/41 (24,4 %)
Neistin-Zug 22-29 (11-15) - Fyrra áttandapartsfinalan í European Cup.
Málskjúttar: Anna S. Mikkelsen 5/12, Ró Reginsdóttir 4/7, Glóð R. á Lofti 3/3, Hervør Niclasen 3/5, Signe H. Bloch 3/7, Bára Eliasen 2/3, Eivør í Stórustovu 1/1, Hannah Saunders 1/3.
Bjargingar: Silja A. Müller 13/41 (31,7 %)
