Seinni parturin av náttini gav løgregluni fleiri mál í Havn.

Beint fyri klokkan fýra varð ein patrulja send á eitt diskotek, har tveir persónar vóru komnir í hornatøkur.

Talan var ikki um álvarsligan harðskap, men báðir vórðu skuldsettir fyri brot á skilhaldsreglurnar.

Um somu tíð steðgaði løgreglan einum bili í Hoyvík. Bilførarin varð biðin um at blása, og royndin vísti, at hann hevði meira alkohol í blóðinum enn loyvt er. Hann varð tí skuldsettur fyri rúsdrekkakoyring.

Um hálvgum fimm tíðina var aftur eitt mál í miðbýnum. Har helt ein maður, sambært løgregluni, at hann skuldi vera grovur og rætta longutong móti løgreglufólkunum.

Tað gjørdist ein dýrur fingur, tí tað endaði við einari bót upp á 1.500 krónur.

Samanumtikið vóru fýra skuldsetingar fyri brot á skilhaldsreglurnar í nátt. Ein persónur varð handtikin, og harumframt varð ein bilførari skuldsettur fyri rúsdrekkakoyring.