Kyndilsmenn hava í kvøld spælt fyrra dystin í fyrsta umfarinum í European Cup niðri í Eysturríki.
Eysturríkska mótstøðuliðið, SC Kelag Ferlach vann dystin 27-23. Í steðginum var eysturríkska liðið á odda 11-8.
Tíðliga í fyrra hálvleiki var Kyndil aftanfyri 3-9, men aftaná tað fótaðu teir sær rættiliga væl.
Teitur Poulsen Hellisdal var eyðsýndur, og skoraði hann átta mál fyri Kyndil í kvøld
Seinni dysturin verður leiktur í morgin klokkan 17.
Málskjúttar: Teitur Poulsen Hellisdal 8/10, Teitur Bogason 3/5, William Summers Nolsøe 3/6, Erling Erlendsson 2/3, Tobias Thisen 2/4, Gabriel Skeel Árnason 2/7, Jóan Pauli Patursson 1/1, Kristian J. Hellisdal 1/1, Róar Hanusarson 1/2.
Bjargingar: Jákup A. Müller 6/14, Mladen Mjerimacka 4/16.
