- USA, Russland og Ukraina hava havt góðar og nyttugar samrøður um, hvussu kríggið í Ukraina kann loysast.

Tað skrivar Jared Kushner á X, fyrrverandi Twitter, og tað er Reuters, sum endurgevur.

Hann er bæði versonur amerikanska forsetans, eins og hann hevur virkað sum serligur sendimaður hjá forsetanum.

Jared Kushner er giftur Ivanku Trump, og hann hevur áður starvast sum ráðgevi í Hvítu Húsunum í forsetaskeiðunum hjá verfaðirinum.

Reuters veit at siga, at samrøðurnar, sum vóru í Hvítu Húsunum, geva vónir um fundin millum umboð fyri Russland, Ukraina og USA í Abu Dabi í næstu viku.

Tað var forsetafrúan, Melania Trump, sum stóð fyri fundinum í Hvítu Húsunum hósdagin millum umboð fyri stríðandi partarnar.

Sagt verður, at Melania Trump bað partarnar um varandi vápnahvíld í Ukraina.

Forsetafrúan handaði eisini umboðunum fyri Russland og Ukraina eitt persónligt bræv, sum skal latast Vladimir Putin og Volodymyr Zelenskyj.