Hanus Sørensen og liðfelagarnir í NK Aluminij Kidričevo taptu fríggjakvøldið annan dystin á rað í bestu slovensku fótbóltsdeildini.

Aluminij tapti á heimavølli á Sportni Park leikvøllinum 0-1 fyri Olimpija Ljubljana. Útiliðið skoraði sigursmálið við einum brotssparki miðskeiðis í seinna hálvleiki. Hanus var skiftur út aftaná steðgin.

Aluminij er nummar sjey í deildini við 13 stigum. Teir hava 10 stig upp til oddaliðið, NK Maribor.

Komandi fríggjadag klokkan 17 spælir Aluminij dyst á útivølli móti NK Brežice.