Fridrikka Clementsen var á vøllinum í 68 minuttir, tá hon og liðfelagarnir í ÍBV taptu 1-2 fyri Grindavík/Njarðvík í dysti á útivølli í bestu íslendsku fótbóltsdeildini.

Støðan var 1-0 til heimaliðið, tá Fridrikka fór av vøllinum, og í 90. minutti økti heimaliðið til 2-0. Í yvirtíðini fekk Ágústa María Valtýsdóttir pynta um úrslitið fyri ÍBV.

ÍBV er tó framvegis á triðja plássinum við 30 stigum undan seinasta leikumfarinum. Grindavík/Njarðvík hevur 29 stig og Stjarnan hevur 27 stig.

ÍBV hevur brúk fyri, at oddaliðið í deildini, Breiðablik vinnur á Stjörnuni sunnudagin, so ÍBV kann vera á triðja plássinum undan seinasta leikumfarinum. Ein javnleikur til Breiðablik heldur eisini ÍBV á triðja plássinum.

Júst Stjarnan verður mótstøðuliðið á Hásteinnsvøllinum í Heimey komandi fríggjakvøld klokkan 19.