Tað er í samband við umvælinga av umsitingarbygnigninum hjá Løgtinginum, gomlu telefonstøðini, at vegurin verður stongdur næstu góðu seks vikurnar.
Tóshavnar býráð boðar frá, Tinghúsvegurin er stongdur fyri allari ferðslu frá Klubbagarðinum niðan til Sverrisgøtu frá mánadegnum 5. oktober klokkan 8 til fríggjadagin 20. november klokkan 16.
Tað merkir, at ferðslan av Áarvegnum ella úr Vágsbotni hetta tíðarskeiðið ikki sleppur niðan í Bøkjarabrekku. Tí má ferðslan koyra aðrar leiðir. Tað merkir eisini, at tað ikki er koyrandi oman í gongugøtuna í Niels Finsensgøtu, tí ferðslan er einsrættað hinar vegirnar. Men sum skilst verða fyribilsbroytingar gjørdar, so ferðslan sleppur annan vegin í gongugøtuna.
