Á samkomu hjá Faroe Ship í dag fekk Petur Dagfinn Højgaard handað eina viðurkenning í sambandi við, at hann nú hevur verið í føstum starvi hjá Faroe Ship í 40 ár.
- Petur Dagfinn byrjaði heilt ungur í pakkhúsinum í Runavík. Hann fekk sína fyrstu løn longu í 1976 og var leyst knýttur at felagnum fram til summarið 1986, tá hann fór í fast starv, 18 ára gamal.
Soleiðis verður sagt á Facebook-vanganum hjá Faroe Ship í dag.
- Í 1990 byrjaði hann í deildini í Tórshavn, og síðan 1997 hevur hann verið fastur partur av terminaltoyminum hjá Faroe Ship sum stakkaraførari.
Í Faroe Ship takka tey Petur Dagfinni Højgaard fyri stórt trúfesti, samstundis sum tey vóna at njóta gott av hansara ágrýtni í mong ár aftrat.
- Hjartaliga til lukku við starvsdegnum, Petur Dagfinn! ljóðar heilsanin hjá Faroe Ship, nú eitt av starvsfólkunum hevur tænt fyritøkuni í samfull 40 ár
