Ein týskur veitari av hernaðarútbúnaði sigur, at teirra KI-stýrda ómannaða stríðsflogfar vann í einari simulering á menniskjansligum flogskiparum í bardaga.
Simuleringin var ein partur av fyrireikingunum, áðrenn flogfarið - CA - 1 Europa, sum verður stýrt við vitlíki, fer á sína fyrstu royndarflúgving næsta ár.
Tað sigur felagið Helsing, sum mennir verjutøkni í Týsklandi.
Undir simuleringini, har týski ráðharrin, sum umsitir tað ímyndarliga ella talgilda, Karsten Wildberger, var hjástaddur, noyddust tveir royndir flogskiparar at staðfesta, at teir taptu ímóti KI-flogskiparanum.
Annar var ein týskur test-flogskipari við drúgvum royndum, og hin var ein flogskipari við royndum úr meksikansku loftverjuni.
- Tað, sum tit hava rokkið eftir 5-6 árum, er undrunarvert, segði ráðharrin eftir framvísingina.
Týski framleiðarin Helsing, sum byrjaði sítt virksemi í 2021, hevur í dag 1300 fólk í starvi - ella umleið sjey ferðir so mong sum í 2024.
Felagið leggur dent á, at teirra arbeiði við vitlíki bert fevnir um eitt avmarkað hernaðarligt umhvørvi, sum tikið verður til.
