Í kvøld hittust Stjørnan og Neistin í KÍ-høllini í Klaksvík í dysti í SMS-deildini.
Tá 46 sekund vóru eftir skoraði Mina Sirdal Henriksen til støðuna 25-23 til Stjørnuna. Ró Reginsdóttir minkaði um munin til 25-24, og Stjørnan tók leikbrá við 23 sekundum eftir á klokkuni. Tað eydnaðist ikki klaksvíkskvinnum at skora. Tá trý sekund vóru eftir av dystinum javnaði Helena Dahl Magnusardóttir til endaligu støðuna 25-25.
Í steðginum vóru neistakvinnur á odda 14-11.
Sarah Spangsmand Madsen var við níggju málum toppskjútti hjá Stjørnuni. Við átta málum var Anna Sigrunardóttir Mikkelsen toppskjútti hjá Neistanum.
H71 er fremst í deildini við seks stigum. Neistin og Stjørnan hava fimm stig hvør, meðan VÍF og EB hava fýra stig hvør. Kyndil hevur tvey stig, og StÍF er aftast við ongum stigi.
Í annaðkvøld klokkan 19.30 verður dystur í høllini við Streymin millum EB og StÍF.
HER ber til frá HSF at síggja dómaraseðilin frá dystinum millum Stjørnuna og Neistan:
-
©
