Løgreglan gjørdi í gjár fleiri ferðslukanningar, og fleiri bilførarar vórðu tiknir fyri at koyra ov skjótt.

Í Kaldbaksbotni varð ein bilførari máldur at koyra 121 kilometrar um tíman. Hetta málið verður lagt upp til treytaða frádøming av koyrikortinum. Ein annar varð máldur at koyra 108 km um tíman og fær klipp í koyrikortið.

Í Eysturoynni varð ein bilførari máldur at koyra 107 kilometrar um tíman. Ein annar varð máldur at koyra 97 km um tíman. Báðir fingu klipp í koyrikortið.

Í Kollafirði fekk ein bilførari klipp í koyrikortið fyri at yvirhála á einum staði, har yvirháling ikki er loyvd.