Ein dystur var leiktur í SMS-deildini í kvøld.
Í høllini við Streymin tók EB móti StÍF. Undan dystinum hevði EB fýra stig og StÍF einki stig. Tí lá favorittleikluturin á EB.
Men StÍF skelkaði EB í fyrra hálvleiki, og í steðginum var StÍF á odda við 11 málum. Tá var støðan 19-8 til StÍF.
EB fótaði sær nakað í seinna hálvleiki, men tær megnaðu bara at pynta um støðuna. Endin var, at StÍF vann 27-22, og fekk fyrsta sigurin og fyrstu stigini til høldar.
Maria Fisker Stokholm var aftur stórskjútti fyri EB í kvøld. Hesaferð skoraði hon 13 av 22 málum hjá liðnum. Tað lá eisini væl fyri hjá veteraninum hjá StÍF, Rebekku Justinussen, ið eisini var stórskjútti í kvøld við 11 málum.
Tað fer at líða væl, at Rebekka fer at runda tey 2.000 málini í bestu hondbóltsdeildini.
H71 er fremst í deildini við seks stigum. Neistin og Stjørnan hava fimm stig hvør. VÍF og EB hava fýra stig hvør, og Kyndil og StÍF hava tvey stig hvør.
HER ber til frá HSF at síggja dómaraseðilin frá dystinum millum EB og StÍF:
-
©
