Russiski uttanríkisráðharrin, Sergej Lavrov, er eftir øllum at døma ikki serliga bjartskygdur eftir telefonsamrøðuna, sum norski forsætisráðharrin, Jonas Gahr Støre og finski forsetin, Alexander Stubb, høvdu við russiska forsetan, Vladimir Putin, fyrrapartin.
Sagt hevur verið, at henda samrøða vardi í hálvan annan tíma.
Sergej Lavrov heldur eftir øllum at døma ikki, at nógv nýtt kom fram í samrøðuni, og hann heldur enntá,. at evropeisk lond royna at vilja finna sær ein leiklut í ætlaðu friðarsamráðingunum, sum ætlandi verða millum Russland, USA og Ukraina í november.
Russiski uttanríkisráðharrin, Sergej Lavrov, heldur hinvegin, at útlit eru til, at kríggið í Ukraina fer at halda fram - og helst mennast, sigur hann sambært NTB-tíðindastovuni nú seinnapartin.
