Orsøkin er, at UV-skipanin, sum skal sóttreinsa vatnið, ikki virkar sum hon skal.

Sunda kommuna boðaði leygardagin frá trupulleikanum.

Umsjónarfólk hjá kommununi hava verið á staðnum og kannað støðuna.

Men sambært kommununi hevur trupulleikin víst seg at vera størri, enn fyrst varð væntað.

Tí verður framvegis mælt fólki við Gjógv til at kóka vatnið.

Kommunan sigur, at hon fer at kunna borgararnar um gongdina og boða frá, so skjótt nýggj kunning er tøk.

Enn er ikki upplýst, nær vatnveitingin væntast at virka sum vanligt aftur.