12 fólk eru dripin og fleiri enn 300 eru særd í álopum á altjóða King Khalid-lufthavnina í saudi arabiska høvuðsstaðnum, Riyadh í dag.
Tað eru loftferðslumyndugleikarnir í Saudi Arabia, sum eru kelda til tíðindini, og tað er tíðindastovan, Reuters, sum endurgevur.
Seinnapartin í dag hoyrdust spreingingar við flogvøllin, sum liggur uttanfyri høvuðsstaðin.
Sagt verður, at fleiri sjúkrabilar fóru á staðið, og myndugleikarnir í Saudi Arabia siga frá mongum løstaðum.
Higartil í kvøld hevur eingin tikið ábyrgdina av álopinum, sum skal hava verið tað deyðiligasta, síðan Iran-kríggið byrjaði í februar.
- Seinastu dagarnar hevur uppreistrarbólkurin Houthi'ararnir í Jemen tikið ábyrgdina av fleiri álopum ímót flogvallum í Saudi Arabia.
