Kjartan Johansen og liðfelagarnir í Vendsyssel spældu leygardagin dyst á útivølli í næstbestu donsku hondbóltsdeildini.
Í Herning Sportscenter tapti Vendsyssel 28-31 fyri heimaliðnum, HC Midtjyllandi, ið var á odda 18-13 í steðginum.
Kjartan skoraði fimm mál.
Vendsyssel er nummar átta í deildini við átta stigum fyri sjey dystir.
HØJ uttan Ísak Vedelsbøl vann á heimavølli 37-35 (21-15) á Norddjurs.
HØJ er fremst í deildini við 12 stigum.
Aarhus uttan Róa Ellefsen á Skipagøtu tapti á heimavølli 32-34 (14-16) fyri Tønder.
Aarhus er nummar seks í deildini við átta stigum.
