Myndugleikarnir í Litava siga, at eitt stríðsflogfar hjá Nato seint í dag hevur skotið eina dronu niður, sum var í litaviskum loftrúmi.

Boðini um niðurskjótingina komu stutt eftir, at myndugleikarnir í Litava upplýstu, at eitt stríðsflogfar hjá verjusamgonguni var sent á veingirnar nærindis høvuðsstaðnum, Vilnius.

Fyribils er óvist, hvaðani dronan kom.

Bæði Pólland og Baltisku Londini hava fleiri ferðir verið úti fyri, at onkur hevur gjørt seg inn á teirra loftrúm í sambandi við kríggið í Ukraina.

Hetta veit tíðindastovan, Reuters, at siga í kvøld.