Bókmentavikan verður skipað soleiðis at, at útvaldar bøkur úr Norðulondum verða týddar og lisnar upp, í øllum Norðurlondum. Estland, Lettland og Litava eru eisini við í bókmentavikuni.
Evnið er Fólkaræði í Norðurlondum, og bøkurnar eru: Tey fara at drukna í sínum móðurtárum, eftir Johannes Anyuru, Kepler 62: Innbjóðingin, eftir Timo Parvela, og Hvør ræður?, eftir Jesper Wung-Sung.
Í Føroyum eru tiltøk í hesum støðum:
Bókasavnið við Løkin, Skúlabókasavnið á Skúlanum á Argjahamri, Nám, Skúlin á Skúlatrøð, Býarbókasavnið í Havn, Skúlabókasavnið á Skúlanum við Løgmannbreyt, Klaksvíkar bókasavn, Fuglafjarðar bókasavn og Sørvágs bókasavn.
