Tey flestu hava kent hann sum áleypara í fótbólti báðumegin aldarskiftið. Súni Fríði Johannesen eitur hann, og mong vóru málini hann skoraði fyri NSÍ, B68 og HB í besti fótbóltsdeildini. Nú býr 45 ára gamli Súni Fríði í Esbjerg í Vesturjútlandi, og hann gerst alsamt meira kendur fyri annað enn fótbólt. Regluliga bloggar Súni Fríði á facebookvanga sínum um tað sum rørdi seg í heimbýnum, Runavík seinast í 20. øld, umframt at bloggað verður um onnur ting, sum eru minnisrík og afturlítandi. Mong fólk, ikki minst tey sum eru kend við umhvørvið í Runavík finna stóra frægd í at lesa væl orðaðu bloggarnar hjá Súna Fríða.  Í fyrrapartssendingini hjá Rás2 "Sjóðteim" ringdi Hilmar Jan Hansen til nostalgiska útisetan, sum bloggar úr Esbjerg. TRÝST á PÍLIN undir MYNDINI, og hoyr Súna Fríða greiða frá blogginum hann hevur á facebookvanga sínum.