Á Strondum eru tey nú farin at fyrireika komandi vakstrarár, og samstundis verður latið upp fyri limaskapi í felagnum, sum stendur aftanfyri vakstrartunnilin.
- Soleiðis ber nú til hjá borgarum í kommununi at gerast limir í Vakstrarøkinum á Strondum.
Víst verður á, at sum limur fært tú møguleika at forspíra plantur í vakstrartunlinum, velta inni í tunlinum, og møguleiki er at fáa eitt vakstrarpláss uttanfyri.
- Vit leggja stóran dent á felagsskapin og fara at skipa fyri felags døgum, har vit forspíra, planta út, viðlíkahalda tunnilin og taka okkum av økinum annars.
Lagt verður aftrat, at eisini verður ein felags vatniskipan, har limirnir skiftast um at hava ábyrgd av vatningini.
At enda verður sagt, at limagjaldið er 500 krónur fyri hvørt húskið um árið - og 100 krónur fyri hvílandi limaskap, um tú bara ynskir at stuðla felagnum.
Vakstrarøkið á Strondum, sum felagsskapurin verður róptur, vísir á, at tú kanst tekna teg sum lim um heimasíðuna - www.sjovar.fo
