Ari í Haraldsstovu Petersen hevur persónliga havt eitt gott kappingarár í ÍBV í bestu íslendsku fótbóltsdeildini, har hann hevur vart málið í 20 av 25 dystum hetta kappingarárið.
Men tað hevur gingið illa hjá ÍBV at skjóta mál, og tað hevur gingið illa at vinna fótbóltsdystir. ÍBV hevur ikki vunnið ein kappingardyst síðani teir á heimavølli vunnu 1-0 á Vali 4. juli.
Hetta kostar nú. ÍBV tapti í triðseinasta umfarinum á Akureyri 0-1 fyri Þór, og tað merkir, at ÍBV - hóast tveir dystir eru eftir at leika - ikki longur kann røkka triðaftasta plássinum, og harvið bjarga sær í deildini.
Ari hevði aftur góðar bjargingar í hesum dystinum, men hann kom tíverri skeivt út úr málinum, tá Christian Jakobsen skoraði sigursmálið hjá heimaliðnum í fyrra hálvleiki.
