Tíðindaskriv:

Leygardagin 19. september, verður fyrsta flagið til nýggju Argja kirkju loyst.

Í hesum sambandi eru øll boðin til eina hátíðarløtu á stykkinum við Støðlagøtu og Sandá.

Tiltakið byrar klokkan 14.00, har røður verða hildnar, og kvinnubólkurin Tabitha syngur.

Fróði Ólason Olsen, kirkjuráðsformaður, bjóðar vælkomin og sigur nøkur orð. Tey, ið loysa flagið, eru Rigmor Andrassen, Henning Mortensen og Vilhelmina Johansen. Hesi teljast millum elstu fólk á Argjum, og hava tey øll sitið í kirkjuráðnum.

Eftir tað halda Jógvan Fríðriksson, biskupur, og Annfinn Brekkstein, býráðslimur, røðu.   

Aftaná verður boðið til kaffi og køku í Argja kirkju.

Øll eru hjartaliga vælkomin.

Argja kirkja