Á Guernsey hava tey gjørt nógv burturúr í samband við oyggjaleikirnar.
Skúlar á Guernsey hava eisini brúkt høvið til at læra børnini um hini oyggjalondini, ið kappast á oyggjaleikunum.
Níggju ára gamla Isla og floksfelagar hennara hava skrivað um hvør sín oyggjaleika-oyggjabólk.
Isla hevur skrivað um Føroyar, og hevur sett væl inn í føroysk viðurskifti.
Ígjár var tað so heppið, at Aksel V. Johannesen, løgmaður skuldi handa heiðursmerki í borðtennis, og uttanfyri høllina fekk Isla høvið at heilsa upp á "The Prime Minister" úr landinum, ið hon hevur skrivað uppgávu um.
Á myndini sæst Isla við nøkrum av tí hon hevur skrivað um Føroyar.
