Fýra partrolarapør eru til fiskiskap. Skipini koma inn at landa, sum næsta vika gongur. Eitt par er á Íslandsrygginum.

Um djúpvatnstrolararnar vita tey á Fiskamarknaði Føroya at siga, at tveir eru á Íslandsrygginum og fiska tosk.

Báðir koma inn at landa í vikuni.

- Annar djúpvatnstrolarin fiskar svartkalva og annan djúpvatnsfisk, og hin fiskar kongafisk.

Lagt verður aftrat, at ein frystitrolari er eisini til fiskiskap.

Av teimum smáu trolbátunum eru tríggir úti, og allir koma inn at landa miðskeiðis ella síðst í vikuni sum kemur.

- Trolbátarnir hava smáligan fiskiskap.

At enda verður sagt, at trý garnaskip fiska svartkalva, og allir koma inn at landa í vikuni.

- Garnaskipini hava brúkiligan fiskiskap, verður lagt aftrat.