Andrias Edmundsson var ikki í byrjanaruppstillingini, tá Hellas Verona seinnapartin tók ímóti Vicenza í Seriu B.

Tað vóru tó bert leiktir 10 minuttir av dystinum á Stadio Marcantonio Bentegodi leikvøllinum, tá Seid Korac hjá heimaliðnum bleiv skaddur, og Andrias kom á vøllin.

Tá ein lítil tími var leiktur legði Vicenza seg á odda 1-0. Men við tveimum málum innanfyri tríggjar minuttir gjørdist Daniel Mosquera stóra hetjan hjá Hellas Verona, og so kundi heimafjøldin fegnast um ein góðan 2-1 sigur.

Fyri leikliga avrikið fær Andrias karakterin: 7,7 frá Soccerstand, og 7,4 frá Sofascore (av 10 møguligum). So sigast má, at Andrias tók av aftaná hann kom á vøllin.

Hellas Verona er nummar fimm í deildini við sjey stigum fyri fimm dystir.

Nú fer Andrias saman við landsliðsliðfeløgunum at fyrireika seg til uppgávurnar í Nations League móti Kasakstan, Moldova og Slovakia.