Okkara fiskiskapur undir Grønlandi byrjaði tíðliga í farnu øldini og undir Íslandi byrjaði av álvara seint í 1800 talinum.

Tað er óneyðugt at siga, at her hevur verið talan um fiskiskap á fjarleiðum og tilsvarandi nógv søga, sum eisini fyri ein stóran part er niðurskrivað og tískil er til skjals.

Her er eisini nógv skrivað niður og harvið varðveitt fyri efirtíðina. Hetta er partvíst skrivað av heimafólki, sum hava áhuga fyri hesi søgu.

Óli Jacobsen skrivar Siðsøguna í Sosialinum

Tað er eisini áhugavert, at tilfarið er komið undan kavi, sum er skrivað av monnum, sum hava royndir á sjónum, og har søgan er grundað á hesar.

Tað er rein tilvild av hansara tilfar er komið fram. Í 2007, júst tá eg var farin undir Siðsøguna, sum skjótt hevur verið til í 20 ár, hittu egHarald í Esbjerg.

Hann hevði verið trúboðari, men hann hevði á ungum árum verið fiskimaður bæði undir Íslandi og Grønlandi, har hann eisini hevði verið kokkur.

Men hann hevði skrivað niður ein hóp av sínum royndum á sjónum. Hesar eru varðveittar til allar tíðir.

Ein stóran part av hansara tilfari fekk eg longu i 2007, og vóru tá grundarlag fyri fleiri greinum. Restina av tilfarinum fekk eg fyri kortum frá okkara felags vinmanni Henning Poulsen, ættaður frá Syðrugøtu, sum hevur havt hetta tilfar í varðveitslu 

Hetta var eisini virðismikið tilfar, og partur av tí hevur verið grundarlag fyri m.a. hesa greinarøð um fiskiskap/útróður undir Grønlandi við Gulldrangi úr Fuglafirði í 1952.

Hetta er so ein partur av skipasøguni hjá S.P. Petersen fyritøkuni.

Harald var kokkur hendan túrin og hann greiðar áhugavert frá lívinum sum kokkur.

Hann greiður mestum dag fyri dag frá lívinum umborð og frá fiskiskapinum sum so.

Her eingin dagur líka. Tað verður nógv siglt at leita eftir fiski. Eisini fæst samband við grønlendskar fiskimenn, sum eisini hava áhuga fyri hvussu tað gongst føroyingum.

Teir uppliva eisini portugisarar við sínum bátum,, doryum, sum verða settar saman á dekkinum. 

Eisini er kongavitjan í Grønlandi. Harald dugur væl eisini at gera hesa vitjan áhugaverda.

Henda frásøgn er eitt fitt ískoyti til okkara fiskimannasøgu, sum er verd at lesa.

Helst kemur ein partur afturat seinni.