Gylta Djurhuus á Neystabø og liðfelagarnir í Skuru spældu í kvøld dyst í bestu svensku hondbóltsdeildini.

Í Västerås tapti Skuru 27-31 fyri heimaliðnum, ið var á odda 18-14 í steðginum.

Gylta bjargaði sjey av 18 málroyndum, og stóð seg betri enn kappingarneytin, Anne-Sofie Lauridsen, ið bjargaði sjey av 23 málroyndum.

Skuru hevur fýra stig fyri fyrstu fýra dystirnar.

Leygardagin klokkan 13 hevur Skuru dyst á heimavølli móti Ystad.