Seint í gjárkvøldið vistu fleiri útlendskir miðlar at siga, at ein roynd hjá myndugleikunum í Tennessee í USA at fremja ein deyðadóm í verki var miseydnað.
Talan var um 50 ára gomlu, Christu Pike, sum 18 ára gomul varð dømd fyri at hava dripið ein floksfelaga. Hon varð dømd til deyða, og í gjárkvøldið skuldi hon avrættast.
Men, hetta gekk slett ikki soleiðis, sum myndugleikarnir høvdu sett sær fyri.
Hin 50 ára gamla var framvegis á lívi eftir at hava fingið tvær sproytur við eituri. Eftir hetta sló hjartað framvegis, og hon bæði andaði og snorkaði.
Reglurnar siga, at tú fært næstu sproytuna, um tú ikki doyr av tí fyrru, og tað fekk Christa Pike eisini. Endin var, at sjúkrabilur kom eftir henni og flutti hana á sjúkrahús.
- Í dag heitir mannarættindaleiðarin hjá ST á USA um at gevast við ætlanunum at avrætta deyðadømdu kvinnuna, veit tíðindastovan NTB at siga í dag.
Tað var hin 30. mars í 1998, at Christa Pike fekk deyðadómin kunngjørdan, og tað er frá hesi løtu, at myndin niðanfyri av grátandi tá 18 ára gomlu gentuni er.
Lesið eisini: Skuldi avrættast - men doyði ikki
