Eitt starvsfólk á ukrainska kjarnorkuverkinum Zaporizjzja er dripið í einum dronuálopi í dag.

Tað veit altjóða kjarnorkustovnurin IAEA at siga, og tað er Reuters sum endurgevur.

Einki verður sagt um, hvør framdi álopið, sum kostaði starvsfólkinum lívið.

Kjarnorkuverkið Zaporizjzja er við sínum seks reaktorum hitt størsta í Evropa.

Tað var longu tíðliga eftir russisku innrásina í Ukraina í februar í 2022, at russiski herurin tók ræðið á verkinum.

Um vikuskiftið frættist, at verkið hevði mist eksterna streymin.

Neyðugt var tískil at brúka neyðaggregat til framleiðslu av streymi fyri at køla niður reaktorarnar.

Seinni í gjár frættist so aftur, at nú hevði kjarnorkuverkið fingið eksterna streymin aftur.

´