Svøríki hevur fingið eina framúr byrjan upp á Nations League.
Í kvøld vunnu sviar 3-1 á Póllandi. Sigurin kemur eftir 2-1-sigurin á Rumenia í síðstu viku.
Svøríki hevur sostatt seks stig eftir fyrstu tvey umførini í næstovastu deildini í Nations League og er fremst í sínum bólki.
Bosnia-Hersegovina er næst við fýra stigum. Teir vunnu 4-2 á Rumenia í kvøld.
Benjamin Nygren, sum áður hevur spælt við FC Nordsjælland, legði Svøríki á odda longu í áttanda minutti.
Pólland javnaði stutt fyri hálvleik, men eftir steðgin tóku sviar aftur leiðsluna. Yasin Ayari sendi bóltin móti handara stólpa og skoraði til 2-1.
Tá 20 minuttir vóru eftir, staðfesti Viktor Gyökeres 3-1-sigurin.
/Ritzau/
