- Trý fólk eru dripin í russiskum dronuálopi á Kyiv í dag.

Tað sigur borgarstjórin í ukrainska høvuðsstaðnum, Vitalij Klitsjko.

Hann vísir á, at sambært fyribils upplýsingum var eldur í bilum á einum parkeringsplássi.

Hetta var nærindis einum skrivstovubygningi, sum varð raktur av einari dronu.

Vitalij Klitsjko sigur, at trý fólk eru funnin deyð, og sjey onnur eru særd í russiska dronuálopinum.

Hetta skrivar borgarstjórin á boðtænastuni, Telegram, og tað er AFP, sum endurgevur.