Tað gongur illa í hond hjá liðnum hjá Jóannes Bjartalíð í bestu kasakisku fótbóltsdeildini.
FC Kyzylzhar hevur í fimm teimum seinastu dystunum bert megnað at knógvað eitt stig, og er liðið í veruligum niðurflytingarvanda.
Einasti uggin í dag, tá FC Kyzylzhar tapti 1-3 fyri FC Jenis á útivølli var, at Jóannes legði upp til málið hjá FC Kyzylzhar við einum góðum hornasparki, har Slobodan Urošević í 35. javnaði til 1-1.
FC Jenis megnaði tó seinasta korterið av vanligu leiktíðini at skjóta tvey mál, og so dróg FC Kyzylzhar aftur svart í dag.
FC Kyzylzhar er fjórðaftast í deildini við 23 stigum. Teir eru bert eitt stig omanfyri niðurflytingarstrikuna.
Komandi fríggjadag klokkan 15 hava Jóannes og liðfelagarnir dyst á heimavølli móti Kaysar.
