Evropisk umboð skulu luttaka á fundinum millum Ukraina, Russland og USA, sum verður í Abu Dhabi í Sameindu Arabisku Emiratunum í næstu viku.
Tað sigur franski uttanríkisráðharrin, Jean-Noël Barrot, sambært tíðindastovuni Reuters.
Ætlanin hevur í eina tíð verið, at embætisfólk úr Ukraina, Russlandi og USA skulu hittast í Abu Dhabi 10. og 11. november.
Men nú er greitt, at Evropa eisini verður umboðað á fundinum.
Hetta er ein nýggj gongd í royndunum at finna eina diplomatiska loysn á krígnum í Ukraina, har evropeisku londini hava stóran áhuga í at hava ávirkan á møguligar avtalur um framtíðar trygdina í Evropa.
Enn er ikki upplýst, hvør fer at umboða Evropa á fundinum, ella hvørji evropeisk lond verða við.
Fundurin byrjar týsdagin.
Kelda: Reuters/Ritzau
