Andrias Edmundsson var enn einaferð liðskipari hjá Hellas Verona, ið tók ímóti Pisa í dysti í Seriu B í dag.
Dysturin á Stadio Marc'Antonio Bentegodi endaði við javnleiki 1-1.
Seinni hálvleikur var seks minuttir gamal, tá Edoardo Iannoni aftaná fríspark stútaði Hellas Verona framum. Tá klokkan vísti 84 minuttir javnaði Pisa.
Fyri leikliga avrikið fær Andrias frá Sofascore karakterin: 7,0 (av 10 møguligum). Frá Flashscore fær Andrias karakterin: 6,5.
Hellas Verona er nummar 11 í deildini við níggju stigum. Teir eru tvey stig frá áttanda plássinum, ið gevur Play Off dystir um uppflyting við lokna kapping.
Mikukvøldið klokkan 19 hevur Hellas Verona dyst á útivølli móti Juve Stabia.
