Fyrr í dag vóru føroyingaliðini í bestu svensku hondbóltsdeildini í leiki.

Landsliðsmálverjin, Pauli Jacobsen hevur enn ikki roynt at tapa ein dyst í deildini.

Í dag megnaði liðið hjá Paula, IFK Skövde á útivølli at vinna 35-32 á Lugi. Í steðginum var Skövde á odda 20-14.

Skövde er nummar sjey í deildini við átta stigum. Við Paula í málinum hevur talan verið um tveir sigrar og tveir javnleikir.

Liðið hjá Tróndi Mikkelsen og Leivi Mortensen, HF Karlskrona tapti á heimavølli 28-30 fyri Landskrona.

Í steðginum stóð væl til hjá Karlskrona, ið tá var á odda 17-12. Men seinna hálvleik tapti heimaliðið 11-18.

Tróndur skoraði tvey mál upp á fýra málroyndir, og hann legði eisini upp til tvey mál.

HF Karlskrona er nummar níggju í deildini við seks stigum.