Allar tær 98 kommunurnar í Danmark eins og Føroyar og Grønland hava nú valt tvey 18 ára gomul, sum skulu í 18 ára føðingardag hjá Christian prinsi sunnudagin 15. oktober.
Tað upplýsir samskiftisdeildin í Kongshúsinum.
Tilsamans eru tí 200 ungdómar bodnir í kongaligu veitsluna.
Konshúsið bjóðaði fyrr í ár øllum kommunum í Danmark eins og Føroyum og Grønlandi at velja út tvey ung umboð til at vera við til hátíðarhaldið.
Summastaðni hava tey valt við lutakasti, aðrastaðni hevur ein dómsnevnd tikið støðu burtur úr umsóknunum.
Á degnum skulu tey ungu í eitt gallataffel á Christiansborg Slot við Margretu drotning sum verki.
Her vera eisini umleið 110 aðrir gestir úr ítróttar-, lista, og mentanarheiminum.
Somuleiðis eru innbjóðingar sendar út til tey ungu, sum eru tilmeldað, og har sæst, at dresscodan er smoking/klædningur fyri dreingirnar og langir kjólar til kvinnurnar.
Men sum skilst kunnu føroyingar koma í føroyskum klæðum, tí ein fólka- ella tjóðbúni er inan fyri karmarnar, verður upplýst.
Luttakararnir fáa eisini møguleikan at heilsa upp á kongaligu familjuna við gaffataffilið.
Tey ungu skulu annars ikki hava gávur við til førðingardagsbarnið, sæst av innbjóðingini, sum Ritzau hevur sæð.
Á føðingardegnum fer Christian prinsur at vísa seg saman við familjuni á svalanum á Frederik VIII's Palæ á Amalienborg klokkan 12.
/ritzau/
