AB hevur leypandi boðað frá nýggjum undirskriftum, eftir at felagið flutti niður í oktobur. Nú er greitt, at Bjarni Skála eisini verður partur av liðnum komandi kappingarár.
- Bjarni, sum júst er blivin 26 ára gamal, hevur altíð spælt við AB og spældi fyrsta dystin á besta liðnum í 2016. Í 2021 og 2022 var hann partvíst burturi orsakað av sigling, men í 2023 hevur hann verið tøkur alt kappingarárið, vunnið sær fast pláss á liðnum og eisini havt liðskiparabandið, tá Jákup Pauli Breckmann ikki hevur verið tøkur, skrivar AB og leggur afturat:
- Bjarni hevur spælt heili 140 dystir fyri AB, og tað var ein stórhending í síðsta umfarinum beint fyri summarsteðgin í ár, tá hann loksins skoraði sítt fyrsta mál í Betrideildini í heimasigrinum ímóti 07 Vestur.
Av øðrum kunnu nevnast Dánjal Danielsen, Gunnar Reynslág, Rógvi Skála, Bartal Skaalum Petersen, Heðin Stenberg og Beinir Ellefsen.
