Talan er um gomlu havnaskrivstovuna, har trý rúm eru innrættað til hvør sítt endmál. Karaoke, chill og sports lounge eru heitini á rúmunum. Øll rúmini eru útgjørdar við skíggjum og útgerð, soleiðis at tey, ið brúka rúmini, eisini hava høvi til at síggja og lurta á sínum egna móðurmáli.

- Á veggunum í rúmunum vóru eisini gamlar myndir frá Skipasmiðjuni, og júst myndirnar drógu føroyingarnar til sín, og dúliga varð reypað og prátað um søgur og minnir.

Tað siga tey á MEST í tíðindaskrivi.

Her verður eisini víst á, at hugskotið at brúka gomlu havnarskrivstovuna til endamálið, kom, tá talið av filipinum byrjaði at økjast á MEST. Eitt, ið eyðkennir filipinar, er tokkur teirra til karaoke. Tá filipinar byrjaðu at syngja karaoke í býlinum, har fleiri onnur starvsfólk búgva, var móttøkan nakað ivasom.

- Heldur enn at broyta mentanina hjá filipinum, valdu vit at gera so, at filipinar kunnu hava sína mentan her, segði Mouritz Mohr, stjóri á MEST, tá hann beyð vælkomin.

MEST ger nógv fyri, at starvsfólkini trívast, og hetta er ein liður í hesum.

Á Skála starvast stívliga 100 fólk, og av hesum búgva umleið 60 mans skamt frá Skipasmiðjuni. Tað er serliga við hesum starvsfólkum í huga, at gamla havnarskrivsstovan er umvæld til at hýsa sosialum starvsfólkatiltøkum.