Tey, sum hava børn, sum eru so smá, at tey drekka úr tútakoppi, skulu kanna eftir, hvat tað er fyri tútakoppur, tey hava.

Heilsufrøðiliga Starvsstovna ávarar nú nevniliga ímóti einum slagi av tútakoppum til børn. Orsøkin til, at ávarað verður ímóti teimum, er, at tað er ov nógv einum heilsuskaðiligum, kemiskum evni í teimum.

Talan er um Rainbow Sippy Cup, Blue Mix (1715-03-000-WW), og orsøkin til ávaringina er, at tað er ov nógv av evninum, bisphenol A í teimum. EAN-strikukotan er  5712805068886 og teir eru seldir í fleiri handlum

Vørur við ov stórum nøgnum av bisphenol A, skulu ikki koma í samband við matvørur. Illgruni er um, at evnið ávirkar hormon-javnvágina og at tað er skaðiligt fyri nøringarevnini hjá fólki.

Tí mælir heilsufrøðiliga Starvsstovan til, at tey, sum hava hesar tútakopparnar, tveita teir burtur, ella lata teir aftur í handilin, haðani teir eru keyptir.