Hondbóltssambandið hevur longt sáttmálarnar við verandi venjarar hjá U04-manslandsliðnum, Hjalta Mohr Jacobsen og Djóna Gaard Joensen. Tað boðar HSF frá á heimasíðuni. Teir báðir hava havt ábyrgdina av ungu monnunum, føddir í 2004 og 2005, síðani á sumri 2020.
- Talan er um liðið, sum í summar luttók í U18 EM í Montenegro og tók øll á bóli og gjørdist nummar iggju av teimum fremstu í Europa. Góða EM-úrslitið ber eisini við sær, at Hjalti og Djóni skulu til U19 HM við liðnum í summar í Kroatia, skrivar HSF.
Toymið kring liðið telur eisini Ára Dam, málverjavenjara, Rana Ellingsgaard liðleiðara og Duritu Rouch, fysioterapeut. Sáttmálarnir hjá Hjalta og Djóna eru galdandi til 31. juli 2024.
