Seinastu hagtølini frá Akstovuni um bilasøluna bendir á, at bilasølan er við at koma aftur á sama støði, sum hon var í fjør. Hon hevur verið í lutfalsliga stórari minking ársins fyrstu mánaðir, men í mai minkaði hon »bara« sløk fýra prosent í mun til nógv størri afturgongd teir fyrru mánaðirnar.
Higartil í ár er tað tó bilmerkið Hyundai, sum liggur á odda við flest seldum bilum, 123 í tali. Næstur eru Renault við 121 og síðani Toyota við 112.
Í hagtølunum hjá Akstovuni sæst eisini, at Toyota er mest seldi bilur í mai við 50 í tali. Tað merkir so, at hinar fýra mánaðirnar eru seldir til samans 62 bilar av slagnum Toyota.
Topp 10 listin hjá Akstovuni yvir mest seldu bilar ársins fyrstu fimm mánaðir sær soleiðis út:
HYUNDAI 123
RENAULT 121
TOYOTA 112
VOLKSWAGEN 107
FORD 94
SUZUKI 68
NISSAN 64
MERCEDES-BENZ 49
VOLVO 37
KIA 36
Listin við mest seldu bilum í mai mánaði sær soleiðis út:
TOYOTA 50
NISSAN 47
FORD 44
VOLKSWAGEN 35
SUZUKI 34
HYUNDAI 17
VOLVO 16
MERCEDES-BENZ 14
RENAULT 12
BRENDERUP 6
