Jallurin vann kappingina millum dreingirnar á vestanstevnu í Sørvági. Harvið hevur Jallurin vunnið allar seks FM kappróðrarnar í summar, og Jallurin hevur undan ólavsøku fulla úrtøku, sum er 42 stig.

Jallurin er sjey stig undan fremsta avbjóðaranum, sum er Blikur av Argjum, og tá ið tað bara eru tríggir ella fýra bátar, sum luttaka í hesi kappingini, so er Jallurin FM vinnari.

Um Jallurin fer at vinna FM við fullari úrtøku er ein góður spurningur. Tá ið báturin hevur vunnið seks av seks kappróðrum, so er Jallurin stórfavorittur at vinna á ólavsøku.

Men í dag leyp tað mest sum einki av hjá Jallinum. Fremsti avbjóðarin í dag var Tambar, sum eisini umboðar Róðrarfelagið Knørrur. Tambar bjóðaði av álvara av, og tá ið bátarnir fóru um málið var munurin millum teir báðu bláu bátarnar bara ringin.

Blikur av Argjum, sum í FM kappingini er á silvurplássinum, var eina hálva bátslongd aftanfyri Tambar.