Í morgin klokkan 15 er sannleikans tími hjá føroyska fótbóltslandsliðnum.

Tá mugu okkara aftaná fimm javnleikir í fimm dystum í bólki 3 í Nations League C vinna seinasta dystin í bólkinum fyri at knógva annað plássið, og harvið fáa tveir røkk støkk dystir móti einum liði úr Nations League deild B um rættin at spæla í deild B.

Mótstøðuliðið verður Moldova, ið er næstfremst í bólkinum við sjey stigum. Føroyar hava fimm stig og mugu tí vinna dystin.

Tað verður ein royndur altjóða dómari sum fer at leiða dystin millum Føroyar og Moldova.

Talan er um 42 ára gamla albanska dómaran, Enea Jorgji sum hevur verið altjóða dómari síðani 2011.

Enea Jorgji hevur tvær ferðir áður dømt dystir hjá føroyskum landsliðum.

Fyri meir enn sjey árum síðani, 7. juni í 2019 dømdi Enea Jorgji EM-undankappingardystin á Tórsvølli millum Føroyar og Spania, ið endaði við 4-1 sigri til Spania. Tað var í hesum dystinum Klæmint A. Olsen skoraði fyrsta málið fyri føroyska landsliðið.

Heilt afturi í 2011. Nærri sagt 6. september í 2011 dømdi Enea Jorgji ein av sínum fyrstu altjóða dystum. Talan var um U21 EM-undankappingardystin í Uzice millum Serbia og Føroyar. Serbia vann dystin 5-1. Róaldur Jakobsen legði Føroyar á odda tíðliga í dystinum.

Kelda: FaroeSoccer

FØROYAR vs. MOLDOVA

Dómari: Enea Jorgji ALB

Hjálpardómari 1: Denis Rexha ALB

Hjálpardómari 2: Ridiger Çokaj ALB

Fjórði dómari: Juxhin Xhaja ALB

VAR dómari: Tomasz Kwiatkowski POL

VAR hjálpardómari: Albert Doda ALB

UEFA dómaraeygleiðari: Robert Sedlacek AUT

UEFA umboð: Mark Heap ENG