Í gjár kunngjørdi HB, at felagið hevur gjørt sáttmála við 23 ára gamla Magnus Holm Jacobsen. Hann er ikki ókendur í felagnum, hóast hann hevur spælt fyri B36 og 07 Vestur í Betri deidini.
- Magnus Holm Jacobsen spældi ein stóran part av sínum ungdómsárum í HB, áðrenn hann skifti til B36 Her beit hann seg fastan á besta liðið. Eisini var hann eitt skifti í portugisiskum fótbólti. Í fjør spældi hann við 07 Vestur, men komandi kappingarár fáa vit so aftur gleðina av dygdunum hjá Magnusi. Og hann er, sum vera man, sera spentur uppá skiftið, skrivar HB.fo.
– Orsøkin til eg komi aftur er, at eg havi ambitiónir um at vinna. Eg kenni alt til vinnaramentalitetin í HB, og tað er nakað, sum motiverar meg. Eg haldi at at kann gera mun, og eg gleði meg bara at koma í gongd, sigur Magnus Holm Jacobsen við HB.fo.
HB vann í ár steypakappingina og tryggjað sær pláss í Evropa.
##med2##
